Publicité
Marée noire vs marée humaine
Par
Partager cet article
Marée noire vs marée humaine
Leker gonflé ar fierté kan trouv ti Morisien pé aktivé
Linn revolté, li pa dakor so lamer inn mazouté
Li déboulé, ek mwayen li ena, linn koumans pompé
Dan so ti pirog linn allé, ti touk dan so lamé
Pandan ki bann raser pwal pa pé kapav faire nanyé
Li li pe propoz pou netwayé ek so sévé, pa riyé sé enn teknik ki marsé
Lot koté anou dire fran-fran, bann otorités dépassé
Pa koné sipa pou koz annoyance sipakiété
Nou konpran ek sa kalité problem-la zot pa abitié
Mé olié dir tou under control ti kapav pa kasiet la vérité
Tir tou kalité kominiké pou dir foto triké
Ler gété pe Waka Waka pa pé koné lor ki lipié pou dansé
Mé la népli ler pou kritiké kan fini nou val demann kont ek rekozé
An atandan, nou donn enn koudmé
Tou sa bann Morisien ki pé marié piké
Pou sov nou lamer ek nou l'identité
Sapo a bann ki pe séyé
Kan trouv Morisien koumsa leker gonflé ar fierté
Publicité
Les plus récents
