Publicité
Respé
Mersi tonn fer nou léker gonflé ar fierté ziska éklaté
Mersi tonn fer nou kriyé ansam, sant Glory to thee la ziska lagorz dékrouinké
Mersi pou tou séki tonn fer, séki tonn sakrifié pou fer nou péi sorti prémié
Mersi tonn donn lexamp bann zenn, tonn montré ki to kapav resi mem kan to res dan cité
Mersi tonn montré zot ki to kapav vinn sanpion mem si to pa trouvé ki to péna lipié
Mersi pou lémosyon-la, kan tonn ploré nou oussi larm inn roulé dan lizié
Mersi tonn (ré)donn nou anvi fer nou pavion rouz blé zonn ver floté
Mersi tonn fer nou rapel kifer nou ena sans viv dan nou tizil mem si tou pa parfé
Mersi tonn fer nou vibré, pa grav mem si tonn sorti dernié, nou koné tonn trasé
Mersi pou sa bann moman ki nou pou rapel ziska nou vinn vié
Bann minis ek gran palto nou pa koné mé nou Morisyen nou pa pou bliyé
Pou tousala ser ek frer atlet nou dir twa mersi ek respé...
Publicité
Les plus récents
