| | Mo ena vintan | | | | Modifier la taille du texte: | A | | | A | | |
|
| | Par:- Nazim Esoof
On 07/07/2011 |
Mo inn gagn 20 an azordi. Mo enn zimaz. Mo rakont momemm avek mo linz ki ena so mark, mo telefonn portab dernie model, mo soulie grife… Sa bann zafer-la inportan pou mwa. Mo swagn mo look touzour. Se sa ki esansiel. Mo portab, so mark, so model bien inportan. Se mo lidantite. Mo enn dimounn piblik. Mo lor Facebook… Mo sagrin, mo etal li afi nki lemonn entie kone kan mo soufer. Eski parfwa mo santi ki ena enn lot mwa ? Mo pa gagn letan pans bann zafer koumsa parski zame mo tousel. Mwa, mo ena mo portab.
Mo kone mo existe parski li sone ek mo gagn mesaz. Eski a 20 an mo kapav amoure ? Bien sir, si amoure le dir sexy. Mo bizin sexy e ena enn sexfriend. Si mo pena enn minn, mo touzour kapav gagn enn sexfriend dan sa bann sware kot to peye pou zwenn dimounn. Mo pa kone si bondie existe ou pa. Li pa importan pou mwa, bondie li parey kouma enn Premie minis. Mo kone li la – li sirman desid bann zafer – me mo pa santi so linportans dan mo lavi.
Mo pass boukou letan lor Internet ek divan mo televizion kan mo pa lor mo portab. Sa permet mwa relax. Fode pa tro panse. Get bann adilt. Zot telman panse ki zot nepli kone kouma pou fer kiksoz. Zot trouv problem partou. Mwa mo pa kontan rant dan bann gran diskision. Enn lexanp, enn sel lepep enn sel nasion pa le dir gran soz pou mwa. Mo pa interese avek dimounn ek zot bann zistwar ‘bann’. Mo pa kone kouma dimounn lezot relizion viv. Li vre ki mo enn ipokrit ek mo dir ki tou dimounn parey. En tou ka, li pli fasil pou mwa ‘chat’ avek bann kamarad lezot pei ki koz avek mo vwazin. La, mo ankor pe aprann. Mo bizin gagn enn diplom, rod enn travay, swiv enn lot kour apre pou gagn promosion, aprann kondir, aste enn loto, enn lakaz, marie, gagn zanfan… Mo ena boukou proze. Mo pena drwa desevwar personn. Antretan, mo bat bis mama-papa. Apre tou, se zot devwar okip mwa sirtou ki zot atann tan de mwa.
Mo kone mo ena bokou defo. Zot kritik mwa, zot dir mo lir dis magazinn football ek lamod. Me eski zot dimann zot kifer mo pa interese avek zot bann gran deba ? Ki lintere sa lemonn-la ena pou mwa avek so bann konfl i, so bann lager ek so bann palab ! Kitfwa mwa osi pli tar mo pou vinn parey kouma zot me asterla, less mo pass mo letan okip mo seve, mo linz, mo bataz, mo rezo sosial lor Internet. Mo enn prodwi mo lepok parey kouma sak zenerasion ena so lepok. Donk pa bizin tro sever dan to zizman lor mwa. Mo ena zis vintan…
| |
|
|
|
|
|
|
|
| desi | | | mr nazim, laisse problem vintan un koter,pou mo lire sa larticle la mem pas ti facile mo p gagane tracas pou sa banne profs ki pou enseigne langue creole deux ou trois lekol et pou selmen sa ti casse la et en plis l'enseignement an nivo primaire li pas facile...GOD BLESS THEM. | | | nazvy | | | li bien vrai saki lin raconte,parski dans mo lacaz ena mo garcon ek mo tifi,resone pareille,mais mo chagrin ki trop beaucoup letemps lor face book,paena dialogue ek cose.relation ek parent difficile,zot dire to ena piti, to paye tou ceki mo bizin ,mais ena kichose ki pas correct quelquepart ? | | | Emiliano Z | | | Mo fek truv sa la. Bravo Nazim. In effect, you've captured enn lepok zis pou zis. | | | virekitourne | | | Moisi vintan.. Mo ladolesance finn passe dan lesson. Sorti dan nwar rante dan nwar kuma azen sekre, …ou enn espion . Kot ti ena letan pren responsabilite famille, responsabilite voizinaz? Pic-nic en famille? Rann ! Bann voizin, bizin kitt distans. Zot pa sipoze konn mo zaferr, mo bann demars. Dayerr zott zenfan ossi ti pe viz memm plass dan kolez deta ou konfessionel. Alor ti ena espess enn kompetission, espess enn lennmite. Me enn zur mo ti pou donn zott enn sirpriz: mo ti ava gagne lorea, Kitfwa. Me pa ti abouti. Pou mwa li pa ti enn sirpriz.. sektretma mo ti ape prepar enn lot kalite “ face saving strategy”: gagne enn visa pou Leropp , kiksoz kumsa. Enn zour zott ava trouve mwa dan enn baniol, avek enn “zoli” 35…..( marq de suxe). En realite? Mo enkor pe morpionne bolom la ek bolfamm la. Mo pale travay labourer, ni ouler trace mo la vi kuma enn pesserr. Sa pou amen dezonerr mo fami. Bien bizin gayn enn boulo met kravat ek trappe plimm. Lonnerr, lonnerr, lonnerr !! Me mo la tett pe manze. Mo enkor pe viv lor laswerr bolom la…. Mo dimann mwa, “ki kompetission CPE? Ki lesson prive? Ki malerr? Kott mo zenes?.... Mo konn le zot dan memm sitiassion…ena finn contempler swisid, le zott finn rant dan la drogg avan contempler swisidd. Ena enkor lezot, kitfwa inpe pli gayarr finn kumans prend kiksoz ki pa pou zott, defier moralite, la lwa e la decense.... parmi ena finn “vinn” politicien…. Ki ledicassion gratis? Par ki bann valerr nou finn conditionne? Sa pa le dire ki mo ape blame le zott pou mo sort…. Me bann lengranaz nou societe reste intak. Mo dimann mwa komien zenerassion enkor pou passe dan sa “moulinex” la! | | | RS | | | Mo fine gayn vintan mo ousi mé sa fer plis ki vintan. kikfoi bane vintan zordi kapav retrouv zot kan lir sa lartic la. mo ti bizin fer ene analyse litérer lor sa résaman .
http://www.newsweek.com/1991/06/30/the-terrible-twenties.html | | | jean | | | Pauvre papa. Mo ti ena tellement l'espoir quand to ti nait. Mo finne faire tout pour faire toi plaisir. Mo rever to po plus reussir qui moi. Astere, mo faire cauchemars avec to frequentation. Mo peur to faire betises, to alle essaie la drogue. to banne camarades dire toi essaue ca, Nissa ... | | | Starbright | | | When i was 20 in 1965 i was already far away from Mauritius, sailing around the world and at the same time earning plenty of money.We did not have Mobile phone or internet but please believe me my life was much better than yours in Mauritius today because i was making love to the most beautiful babes around the globe, the blondies, the Japanese, the Bresilians or Scandinavians etc so i did not care about mobile cellular or internet that time because my life was real not virtual.As far as i'm concerned, the very best creature God ever did was a woman. | | | iqbal carrim | | | pas tracas has summed it very well.Selfishness at its heights with its dose of dependence on the sweat of others. | | | Ari P | | | Mo pu gayn sinkann-de-zan. Kan mo ti ne, pa ti ena portab, pa ti ena telefonn fiks, pa ti ena televizyon, pa ti mem ena kuran dan nu lakaz.
Zordi zur mo ena telefon, dvd, ordinater... dan mo lakaz, dan mo loto. Mo kominik ek mo "bann" dan lemond antye, e zot pa zis mo kamwad, mo fami, mo nasyon, mo relizyon...Zot tu kalite, e mo fyer akoz sa.
Mo finn gayn lasans al lekol piblik, pass legzame, al dan kolez, al liniversite alor ki mazorite mo fami pa finn gayn sa sans la.
Azordi mo enn ti profeser kraz kraze, e mo sey partaz sa ki mo kone, ek mo bann zelev. Mo pa tuzur kompran sa ki zot dir mwa, saki enteres zot,(lamizik ki zot kontan, sinema, vedet…) parey kuma parfwa, mo gayn limpresyon ki se ki mo dir zot pa enteres zot a 100 %. Zot lintere ek sa ki, mwa, mo kontan, e sa ki mwa mo ti kontan fer rant dan zot latet li na pa parey. E mo pa pu kapav fors zot ekut mwa e obliz zot fer sanblan dakor ar mwa. Parfwa, mo etone e mo dekuraze kan mo truv zanfan dan mo prop lanturaz ki pa interese ar problem sosyete, ar problem politik… Mo panse ki zot pena okenn konsyans e ki zot nek interese ek lamizman. Me….
Kan, en 75, mwa ki ti ena vintan, etidyan, mo ti pe lir bann tikomik (9e art d’aujourdh’ui, quand même), mo ti pe ekut Bob Dylan, mo ti sant Bam Cuttayen mo bann gran dimunn (fami, profeser…) pa ti dakor. Mo pa ti montre respe, mo pa ti ena “aucun sens des convenances”. Bann seki gran tipe ras zot seve parski nu pa ti obeisan…Parski nu pa ti respekte sa ki, dan zot lizye, ti pli importan.
Zordi, mo enn ti pe perdi. Bann zanfan pass zot letan lor facebook, lor bann games lor internet, zot refiz lir liv, interess ar problem sosyal…
Me mo rappel ki mo bann fami ti pe repros mwa preske mem zafer kan mo ti ena vintan.
Atansyon !! Mo pale dir ki bizen droge ar tu seki « le monde virtuel » donn nu. Mo le zis rappel ki sak lepok amenn so prop problem.
Dan mo travay, divan mo bann zelev, suvan, mo remarke ki zot pa kompran lintere saki mo sey aprann zot. Me, mo kone, kan nu koz syans, listwar, konesans sa lemond ki antur nu, zot zorey gran uver e tu sala gidigidi zot laservel. Kom dize Siven : « Dan zanfan ena bondye ». Pena okenn mo pli important ki seki enn ti zanfan 2-3 zan dir kan to dir li enn kitsoz e li poz twa kestyon : « kifer ? »
Si bann zeness pa interess ar nu problem, kitfwa zot truve, zot finn kompran ki nu ipokrit, ki nu simann zot fer enn zafer e n, nu fer egzakteman le kontrer.
« Fais ce que je te dis, ne fais pas ce que je fais ! »
| | | kunal | | | Continue a occuper de toi meme mo frere,et apres met tout les blames sur le monde entier pour tes problemes...Tout le monde doit se plier a toi et te fer briller?c'est ca que tu veux? | | | pas tracas | | | Pas tracas frero! Le monde pe arrete rouler et tou dimoune pou occupe ziste to tousel. To tellement important... | | | chitchat | | | Shall I laugh or shall I cry, MR Esoof?. What's the purpose of the article?. It is difficult for me to define my feelings in a language made by those to express theirs.It took me nearly an hour to read and assimilate the meaning of that short text which may also have puzzled other readers. If it's the Kreole to be taught as a compulsory "language" in schools surely you'd
agree it makes sense to stick to the PATOIS (broken.mispelt French) which is easily understood
. Just got an email- "C'est un article A debattre" Are we missing the point? | | | Hell | | | M'a l'air pas fine apprend narien l'ecole, fine aprrend just conter ,multiplier - additionner et le paraitre. Si à vintan ou comme le sex, ca veut dire qui ou conné ou bisoin prend ou responsabilité, pas comme si dirait ou prend ène roche lors la ri et ou avoye li. Nazim, lire le creole est bien difficile mais pour raconter l'histoire "mo ena vintan" le creole etait approprié. Vous avez bien décrit notre jeunesse, heureusement pas tout. | | | JeanBaptiste Say | | | Bravo Nazim de soulever cette question. Il faut bien se demander d'ou provient ces maux? Pour moi, c'est cette mentalité s'est installée depuis le jour qu'un Premier Ministre de ce pays a dit: MORALITE PAS REMPLIE VENTRE !!! (...).Il faut dire la verité a nos jeunes. Celui qui pretend s'etre battu contre le FMI a ete au coeur des politiques devastatrices introduites par le FMI et la Banque Mondiale chez nous ! Voyez les resultats aujourd'hui !!! | | | jincy d'olo | | | kan mo kokin, vann ladrog mo pass divan mazistra mo oussi gagne vintan lazol | | | SYLVAIN JACQUES | | | Be' non missie' ou pas comprend, mo pas comprend ce qui pe' passe', L'ecole pas tit expliquer, mo zimaz mo faire pareille couma mo trove' dans magazine football, mo taille mo cheve' mo tatoo mo la peau parcequi mo pas comprend les autres quite chose. Mo pas gagne travaille parcequi banne Patron pas trouve moi dans zote maniere alors mo bisin alle joine mo banne groupe nou boire nou faire fete apres dimain nou a guete' Parfois sa alle en pe' trop zaffaire alle sale Mais qui oule' Pei qui faire coume nou coume sa. | |
|
|
|
|
|
|
|