Publicité

Langaz mama

29 avril 2016, 10:15

Par

Partager cet article

Facebook X WhatsApp

lexpress.mu | Toute l'actualité de l'île Maurice en temps réel.

Ekskiz mwa kamarad lekter, mo pa anvi ekrir an «je suis-je la» zordi. Bann gater makaroni pé fer enn ta manier, zot pa anvi nou kreol morisien rant dan Parlman. Alor ki éna enn ta zouré mama sak sémenn laba. Zot préfer servi  Anglé ou Fransé potis plito ki servi nou langaz mama. Pourtan, nou lalang kontenir bann exprésion ki Robert, Larousse ou Oxford pa kapav  tradwir kouma bizin. Bann lexanp :

So nat dan koud’van : Pa koné ki pou ariv li. Kouma Misié Bal kouler, ki pé anvi ki la zistis blansi li. Mem si li inpé sov, so sévé  pé sifoné.

Minis Prins :

i) Enn mové lespri ki kontan flank klak ek les bann mark soudané lor twa.

ii) Enn Minis ki kontan al Larabi ek ki kan li kozé, to gagn linprésion mové zer inn trap li. Li ek Minis Bal Kouler met plint plis ki pozer parké.

Krazer roti (sinonim gran raser) :  Minis KGB.

Boul kaskot : Ti Ivan, ki anvi kas-kas so bann koleg latet félé.

La faya : Toutouy ki lévé sak sémenn dan Parlman.

Fer ler : Bann minis ek depité ki nek fer palab dan plas zot fer zot travay.

Touni minwi :

i) Enn perver ki ti pé louk Madam dan Triolet.

ii) Ti dimounn kan inn ariv lé 15 ek ki so lapey inn fini.

Faner dal : enn ansien PM ki anvi revinn PM apré tou so bann matiakanbo.